ابحث في منتديات أحمد الصادق

 

 

 


العودة   ..:: منتديات الفنان أحمد الصادق ::.. > الأقــســـام الــعـــامــة > :: الموسوعة الثقافية ::

إضافة رد
 
أدوات الموضوع انواع عرض الموضوع
قديم منذ /06-29-2010, 07:20 PM   #1
الدليب
:: المراقب العام :: ::ابو عبدو::

الدليب غير متواجد حالياً

 رقم العضوية : 325
 تاريخ التسجيل : Jan 2009
 المكان : الخرطوم
 المشاركات : 2,207

افتراضي حكايات عن الشاعر عوض جبريل ومناسبات أغنياتة

حكايات عن الشاعر عوض جبريل ومناسبات أغنياتة

* الشاعر الراحل عوض جبريل من شعرائنا المتميزين، وتظل بصمته في عالم الفن خالدة عبر مر الدهور والازمان، فقد رحل عنا بجسده فقط الا ان روائع اعماله تظل ذكراه التي تركها من خلفه يرعاها حب الناس لها، فقد كان محبوبا من الجميع في حياته وسيظل كذلك، فقد وهب حياته للفن، الا ان ما خطه في سفر التاريخ الفني الغنائي كنز ثمين. وبمناسبة الذكرى الرابعة لرحيله، فقد اقام منتدى فلاح الثقافي امس الاول بقيادة احمد فلاح، حفل تأبين أمه عدد كبير من الشعراء وأهل الفن، أحببنا أن نشارك في هذه الاحتفائية، فكانت لنا جلسة استثنائية مع ابن الراحل البكر اسامة عوض جبريل، وهو بالمناسبة نسخة اخرى من والده، حيث يشبهه كثيرا.. جلسنا لنعيد شريط ذكريات حافل يستحق الوقفة عنده فكانت هذه الونسة.. الدقاقة.

* نتعرف عليك؟
ـ انا اسامة عوض جبريل، الابن الاكبر للراحل، وانا اعيش مع والدتنا نور اليقين ابراهيم شقيقه الشاعر المعروف الطاهر ابراهيم، ومع اخواني مامون وعباس ممثل والنعيم، ولاننا بنتشابه شديد نحن ووالدنا، فمن الطرائف مرة جانا حرامي لما شافنا جري وقال لي زمايلو «البيت دا مسكون»

* كلمنا عن والدك المرحوم عوض جبريل؟
ـ هو من مواليد حي الهجرة «الدباغة» بام درمان 1932م، درس في خلوة الشيخ خليل «ابو روف» وفي مدرسة ابو روف القديمة الاولية، ثم دخل المعهد الفني، وبعدها انتمى لمنتدى ابي روف الثقافي.

* بداياتو كيف؟
ـ من قام وجد اخوالو ناس خالد وعباس اسمعيل يغنوا اغاني حقيبة، بدأ يغني، وغنى لعثمان حسين «كيف لا اعشق جمالك» وبدأ ممثلا مع عثمان تور الجر في مسرحية «دامفيقا» في دور «الملك طلحة» بعدها اكتشفه الشاعر الكبير صاحب «الفينا مشهودة» جد عبد العزيز العميري الشاعر عبد الحميد اب شنب، ورعاه مع رفيق دربه ابو قطاطي، بعدها حس انو ممكن يكتب شعر ويلحنه ويغنيه، وفعلا غنى في حفلات الحي، وعشان يجود مشى قعد مع عبد الرحمن الريح في بيتو في فريق العرب اكثر من خمس سنوات، عشان يتعلم منه، بعدها بقي يغني مع زميله في مهنة «البناء» الفاتح حاج سعد عازف العود المعروف.

* أول اغاني كتبها وغناها منو؟
ـ اول اغنية «لي حبيب شاغل بالي دائما محطم آمالي.. لي حبيب محروم منو لي زمن بسأل عنو» وغنتها الفنانة فاطمة الحاج، واول اغنية من كلماته والحانه هي «ورد الغرام» سجلوها في الاذاعة سنة 1949م.

* بعدها كتب شنو؟
ـ كان معجبا بحسناء في الحي هي ملهمته والسبب في كل اغانيه.. كان اهلها صعبين جدا كانوا مانعنو يشوفها ورفضوا قام كتب اغنية:
«كل ما سألت عليك صدوني حراسك
ردوا الجواب قاسي مع اني من ناسك» وغنتها فاطمة الحاج وكانت في ثنائية بينها وبينه.

* غير فاطمة الحاج غنى ليه منو؟
ـ لاقي الفنان احمد الجابري في حي العرب بغني شرقي، كتب ليه اغاني بنفس السلم الشرقي، وغنى ليه «اسمر يا اسمر يا سكر» و«الشغل بالي انا بريدو كل افكاري» و«شغلني ما انشغل قلبو» لغاية ما سموه بشاعر الانشغالات وغنى ليه «شال من الحمامه وشيها» و«ناس الحب» و«كيف تخلي الريد» والاغنية الكتبها لي ملهمته «حبيبتي بت مصطفى» ولما غناها في الاذاعة حولها لي «حبيبتي بستلطفها ما داير زول يعرفها». وبرضو غنى ليه الفنان حميدة محمد سعيد «انا حبيت الجمال لا تلمني» والفنان رمضان حسن «الصباح الزاهي»

* بعدهم غنى ليه منو؟
ـ كان الوالد جالسا بمنزل الفنان رحمه الله الشيخ عم الفنانة عابدة والفنان اسامة الشيخ بود نوباوي بحي الجبلاب، كان معاهم السماني فضل الله والد الفنان عاطف السماني ووالد الحكم درمة وغيرهم في جلسة دوبيت، منها اكتشف الوالد الفنان بابكر ابراهيم ود السافل، وحوله من الدوبيت للغناء، غنى ليه «يا ماشي لي ام درمان سلم على الناس الحنان» و«ولف يا لساني شكر فني» و«تعال عزيني تعال سليني ما دام النوم طار من عيني» و«يا شباب ود نوباوي».

* متين بدأ يتعامل مع الفنان ترباس؟
ـ جاءه محمود فلاح في البيت قال ليه يا عوض جبريل انا اح اسمعك صوت جديد جميل جدا اسمه كمال ابراهيم سليمان. وفعلا غني ليه ترباس: «هلا يا هلا» و«ضفاف القاش» و«كفاك ما تبكي يا عيوني اتاريهم نسو الريدة» ودي كتبها لما جابو ليه خبر رحيل صديقه الفنان حميدة. وأغنية «حني علي يا ستي الحاصل سببه انتي» وستي دي قاصد بيها الدنيا. واغنية «بقليبك تقول لي تعال وتعال.. بي عيونك تقول لي لا ما في مجال» ودي كتبها في باحثة اجتماعية كانت بتزوره وانقطعت عن زيارته. ولحن ليه أغنية التجاني حاج موسى «أظلم من ظلم».

* مناسبة أغنية «ما تهتموا للايام» شنو؟
ـ ايام السيول جاء لقى بيتنا واقع شالوا السيل، ووجد زوجته تبكي قال ليها في الحال في نفس اللحظة:
«ما تهتمي للايام ظروف بتعدي.. طبيعة الدنيا زي الموج تجيب وتودي.. مصيرو الزول حياتو يا ما فيها يشوف» ولما غناها ترباس في سجن كوبر للوزير عمر الحاج موسى قال ليه عممها، بقى الشعب كلو يغني معانا ما تهتموا للايام ظروف بتعدي.

* و«سيبني في عز الجمر» مناسبتها شنو؟
ـ كانت الدنيا عيد وظروفنا صعبة.. الوالد كتب قصيدة لترباس قال ليه «ما تسيبني في عز الجمر وانت من حولي بتمر.. وانت عارف انو جيبي فات حد الصبر» بعدها اتعدلت.

* أغنية «مع السلامة» قصتها شنو؟
ـ كان معجبا بفتاة جنوبية ويريد الزواج منها، الا انها رفضت وسافرت السعودية، وهو في المطار كتب الاغنية التي يغنيها محمد احمد عوض:
«مع السلامة يسعدني انك تذكريني وعني دائما تسألي» وغنى ليه «الجابوها رقصت حلاتها».

* غنى ليه منو تاني من الفنانين؟
ـ بادي محمد الطيب «ست البنات الضوت السهلة» وخلف الله حمد «الليلة وين يا عيني سهر الليل والنوم ابي لي» وعوض الكريم عبد الله «ام ضي» وعبد الله محمد «الحنين البي ليه ما قدروه العمر من وين بشتروه»، ودي كتبها لي صاحبو اثناء ما بحكي ليه في قصتو مع واحدة رافضاه، في ورقة سجار، و«لما تنسونا يبقى ايه فاضل يا حبايبنا» و«حليل زمن الحنان يا با تسيل دمعة وتقيف دمعة». ولحن ليه اغنية الشاعرة سمرقندية «قدر الزمن» و«شغل القليب الشوق على الزول البحن» والامين عبد الغفار «بريدكم يا الما بتلاقوني لو مرة جاملوني» ودي لما مشى بيت عرس وما عرفوه اول ما مسك المكرفون طوالي قالها بي لحنها.

* هنا توقفنا لنستمع لفاصل من اغنياته قدمها محمود علي الحاج، وبعدها سألته عن أغنياته.. فرد محمد قائلاً:
ـ كثيرة منها «بقيت ما زي زمان ما كنت بتزورنا وتزورنا وتسعدنا يا أمل الزمان» و«عمري ما جيتك اعاتبك جيت اخاطبك انت طيب واصلو تجريح ما بناسبك» و«لو بتعرف يا المسافر» كتبها لقريبته سافرت بره و«سبب الريد عينيك وعيني» و«سمير القلب الريدة ما بالغصب» و«حاسب ضميرك يوم لو كنا غلطانين نقبل نشيل اللوم» ودي كتبها لما اختلف مع قريبو في ميراث.

* ما هي مناسبة أغنية «الجميل السادة»؟
ـ يوم جاي من الشغل في الحارة الرابعة لمح حسناء قال ليها سلام، لانو كان ما لابس نظيف ما ردت عليه، قام كتب الاغنية دي لابوعركي البخيت.
«الجميل السادة وضاح المحيا، التفت يوم شفته، ما قبلان تحية.. من دلالو ولا مالو» ومن الطرائف أن صديقه ابو قطاطي قال ليه «مالو؟.. انت ما عارف مالو؟ اتخيل الحبيب يلتفت ويلقاك في وشو عاوز يرد ليك التحية؟». ويوم شاف الراحل ثوب واحدة في حي العمدة فكتب: شفت التوب وما لاقاني اجمل منو.. دا حالتو التوب سيد التوب يكون كيفنو» برضو لابوعركي البخيت.

* تاني اتعامل مع منو من الفنانين؟
ـ ثنائي الدبيبة «دمك شربات يا رنا» ورنا دي طفلة الفنان ترباس، وتيمان عطبرة «المابتلاقينا» و«عشان بنريدو» و«تقوم بينا العربية تودينا للسادة» وعبد الوهاب الصادق «صرف النظر عني» وللشيخ شمبات «حب العنب» وخليل اسماعيل «طريق السعادة» و«الحاج عبد الحميد «شتلوك وين يا عنب» وابراهيم حسين «منك الله لي» اضافة لفرقة اولاد البيت والشوادي والاصائل.

* توقفنا نستمع لغناء الفنان خالد نحل.. سألته عن الاغاني الخاصة بعوض جبريل فقال:
ـ اغنية «الاكسير» و«البريدو قابلني تاني هيج عواطفي وحرك جناني»

* الراحل اتعامل مع منو من الفنانين الشباب؟
ـ مع وليد زاكي الدين وجمال فرفور «هوي المحبوب المني شغلني» و«الشال قلبي وسلا اخاصمو ولا لا» ولانو كان صديقا لعبد العزيز والد الفنان محمود، لذا اعطاه اغنية «سبب الريد» و«حبك يا جميل» والاغنية التي كتبها لوالدتنا رفيقه دربه «لو تعاين ليها تملأ ود عينك».

* ومن المطربات؟
ـ اكتشف الفنانة حنان عبد الله «بلوبو» واداها زمان «حمادة» و«المدينة عرب» والآن «لي ايام ما بلاقيني» ولما كانت مريضة ما عرف يشيل ليها شنو.. وهو في الطريق لي بيتها الف اغنية «من الناس ومن عيونها وانت سلامتك يا حنونة». وغنت ليه قسمة ونبوية وزبيدة وسمية حسن وعابدة وماجدة الصافي «يا قمر لا» وهاجر كباشي «سيروه» وندى القلعة «البريدو الشوق كتير».

* توقفت مرة أخرى استمع لكلمة الشاعر تاج السر الحسن وأحد اصدقاء الراحل ومحدثي.. ثم سألته عن الوقت البألف فيه قصائده فرد:
ـ ما عندو زمن معين، يكتب وهو ماشي او واقف في العربية او اثناء ما هو شغال. ومن الطرائف القديمة انه كان في حفلة في ام درمان حي الكبجاب بالفنانة الرحمة مكي، واثناء اللعب حصلت شكله وضربوا الفنانة بالكراسي، تاني يوم الراحل جاء سايق عجلة وجدها متألمة، سألها فحكت ليه الحصل في ذات اللحظة كتب الأغنية المعروفة:
«الصبيان الجروا سابوا عروضهم وهملوا يا يمة ساعة الضرب بتحملوا»

* هل كان بيقبل لما يسخروا من شعره او من شكله؟
ـ ما بزعل.. لكن يوم الشاعر ود البنا جاء ووجد الفنانة فاطمة الحاج بتغني «يستحيل صدك لأني حبيتك» و«انا ما شفتو ورد الغرام» قال ليها خليتيني اتعاملت مع منو غيري؟ قالت ليه: مع عوض جبريل. قال ليها «شعرو شعر شيطان ووشو وش شيطان» قام زعل وكتب قصيدة رد فيها على الشاعر.
* وزعل لما الفلاتية قالت انو «شين هو والسر قدور»؟
ـ لا لأنو المقصود قدور.. ودي طرفة قديمة يحكيها الشاعر السر قدور بأنه في خمسينيات القرن الماضي كان يسكن بحي البوستة بام درمان فكتب اغنية:
«يا حبيبي نحن اتلاقينا مرة.. في خيالي وفي شعوري ألف مرة». واعطاها للفنانة خفيفة الدم المرحومة عائشة الفلاتية، الا انها اهملتها وطالبت بادخال بعض التعديلات، فلما زهج منها اعطاها لجاره في الحي الفنان المرحوم العاقب محمد الحسن الذي لحنها وغناها، وتقبلها الناس ووجدت رواجا، فزعلت الفلاتية جدا.. ولما قابلت السر قدور في الاذاعة قالت ليه: «داهية تاخدك ـ تخمك ـ انت وعوض جبريل»..!! ضحك السر وقال ليها «عوض جبريل مالو» قالت ليه: «ما شين زيك».

منقول








التوقيع الدليب :


[عزيزي الزائر يتوجب عليك التسجيل للمشاهدة الرابطللتسجيل اضغط هنا]

آخر مواضيع الدليب :

0 رحلة المنتدى- قيد النظر
0 لله في خلقه شؤون
0 سنن
0 الحذر الحذر من مثل هذه المواضيع
0 شوف اسرار النباتات ( الاعشاب )

  رد مع اقتباس
قديم منذ /07-01-2010, 11:40 AM   #2
حمتو
:: مشرف قسم الأغاني السودانية ::

الصورة الرمزية حمتو

حمتو غير متواجد حالياً

 رقم العضوية : 1161
 تاريخ التسجيل : Mar 2009
 المكان : بحري سر الهوي
 المشاركات : 2,080

إرسال رسالة عبر Skype إلى حمتو
افتراضي

تسلم ي الدليب علي النقل المتميز
ورحم الله عوض جبريل بقدر ابداعاته وقصائده الرائعه
تسلم ي غالي وتقبل مروري








  رد مع اقتباس
قديم منذ /07-01-2010, 02:02 PM   #3
الدليب
:: المراقب العام :: ::ابو عبدو::

الدليب غير متواجد حالياً

 رقم العضوية : 325
 تاريخ التسجيل : Jan 2009
 المكان : الخرطوم
 المشاركات : 2,207

افتراضي

شكرا ياحمتو

اول مرة احس انو في زول مهتم بالناس القدام

منور








  رد مع اقتباس
قديم منذ /07-02-2010, 03:18 AM   #4
al-prince
موقوف

al-prince غير متواجد حالياً

 رقم العضوية : 7418
 تاريخ التسجيل : Mar 2010
 المكان : ™حائـــم ساااااااكت™
 المشاركات : 1,827

إرسال رسالة عبر MSN إلى al-prince
افتراضي

[align=center]
مشكوووور كتير يا الدليب
عوض جبريل كان من اميز الشعراء,وسيظل من اميز الشعراء
وفى حاجات كتيرة كنت داير اعرفها عنو,وانت ما قصرت
الله يديك العافية يا ود الخالة
[/align]








  رد مع اقتباس
قديم منذ /07-02-2010, 03:39 AM   #5
كيدمــــان
إمبراطور فضي

الصورة الرمزية كيدمــــان

كيدمــــان غير متواجد حالياً

 رقم العضوية : 5699
 تاريخ التسجيل : Aug 2009
 المكان : ًًٌُِ‏آلصًَْْحًًََافَْْـ°l|l°ـآتًَُُْـ بًًَلًََدَْْ آلرْآحَْـ°l|l°ـآًَُتـَ
 المشاركات : 1,548

إرسال رسالة عبر MSN إلى كيدمــــان إرسال رسالة عبر Yahoo إلى كيدمــــان إرسال رسالة عبر Skype إلى كيدمــــان
افتراضي

مباااآااإاآأااالغه والله يا أبو عبدوووو

بوست لذيذ جدآ والله

ربناآ يرحم كل المبدعين اللي رحلوا عن دنياآناا


تسلم كتيييير يا دليبناآ المبدع








التوقيع كيدمــــان :

[web]http://dc12.arabsh.com/i/02394/9u6l5tu6nly9.swf[/web]

ـ°l|l°ــ°l|l°ــ°l|l°ـ


هيمـآآ يآ حنــآآني ™ !!

ـ°l|l°ــ°l|l°ــ°l|l°ـ


[web]http://dc01.arabsh.com/i/01727/rmpfwby93pu6.swf[/web]


thanks alot boOon


![ ـآلبــــــآآدي آظلــــــــم ]!

آخر مواضيع كيدمــــان :

0 آرجوو تغيير إسمي ^^
0 حصريآ : آحمد آلصـآآدق :: آلبريـدك ده :: تسجيل جديد ::
0 البرنــ°l|l°ــس '|' برونزي '|' ..إنت غآالي علينا وبنريدك نحبك ياود الخاله .....
0 ●ҳҳ̸Ҳ̸ҳ̸ҳ● ونيــ،ــس ●ҳҳ̸Ҳ̸ҳ̸ҳ● وردهـ جورى ●ҳҳ̸Ҳ̸ҳ̸ҳ● فى القفص الفضــ،ــى
0 آلنـآس ظرووفَ | 2013 تصميمَ جديْـدَ إهدآء ليك إنت يآ (you)

  رد مع اقتباس
إضافة رد

الكلمات الدلالية (Tags)
أغنياتة, الشاعر, جبريل, حكايات, عوض, ومناسبات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:01 AM.


Powered by vBulletin® Copyright ©2000 - 2015, Jelsoft Enterprises Ltd. , TranZ By Almuhajir